إن الحمد لله نحمده، ونستعينه، ونستغفره، ونعوذ بالله من شرور أنفسنا ومن سيئات أعمالنا، من يهده الله فلا مضل له، ومن يضلل فلا هادي له، وأشهد أن لا إله إلا الله وحده لا شريك له، وأشهد أن محمداً عبده ورسوله صلى الله عليه وعلى آله وصحبه وسلم.
Bunnal tu’ud in kataan sanglit/pudji tuput ha Allaah, sumanglit kami Kaniya, mangayu’ kami tabang Kaniya, mangayu’ kami ka’ampunan Kaniya iban magpatilibun kami ha Allaah dayng ha kangiy’an sin ginhawa baran namu’ iban kangiy’an sin kakahinang namu’. Hisiyu-siyu in hidaayatan sin Allaah naa’ wayru’un na makalaung kaniya iban hisiyu-siyu in liyaung sin Allaah wayru’un na makahidaayat kaniya. Iban magnaik saksi’ aku sin bunnal tu’ud wayru’un mapatut pagtag-iypunan malaingkan Allaah Isa-Isa Niya wayru’un sakutu Niya, iban magnaik saksi’ aku bunnal tu’ud hi Muhammad iypun Niya iban rasuwl Niya, salawat iban salaam sin Allaah kaniya iban pa mga ahli niya iban pa mga sahabat niya.
{يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلا تَمُوتُنَّ إِلا وَأَنْتُمْ مُسْلِمُونَ}
Yaa kamu mga bar-eeman pagmabuga’ kamu pa Allaah sin sabunnal kabuga’ Kaniya iban ayaw kamu (magrida’) mawafat malaingkan in kamu simasanggup/nagtata’at Kaniya.
{يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيباً}
Yaa kamu mga maanusiya’, pagmabuga’ kamu ha Tuhan niyu amu’in nagpapanjari kaniyu dayng ha hambu’uk ginhawa pagpuwas nagpapanjari Siya dayng ha hambu’uk ginhawa limbang/asawa niya iban piyaguwa’/piyata’ud dayng kanila ruwa in ka’usugan mata’ud iban kababa’ihan, iban pagmabuga’ kamu pa Allaah amu’in piyapangayu’an niyu siya (ha mga parkala’ niyu) iban (pagmabuga’ kamu du’un ha pagbugtu’) sin parsugpatan niyu maglaasiya’/magtali-anak, bunnal tu’ud in Allaah in ka’awnan Niya du’un kaniyu Jimajaga.
{يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيداً يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزاً عَظِيماً}
Yaa kamu mga bar-eeman, pagmabuga’ kamu ha Allaah iban pamung kamu sin himumungan (ima’atap ha) kasabunnalan (sarta’ wayru’un lamud niya puting atawa kabaatilan). (Apabila nagmabuga’ kamu iban mabuntul kamu ha himumungan niyu) parayawun sin Allaah kaniyu in kakahinang niyu iban ampunun sin Allaah in pardusahan niyu, iban hisiyu-siyu in magta’at ha Allaah iban rasuwl Niya tantu tu’ud nagpar’untungan na sin par’untungan salaggu’-laggu’.
أما بعد….
Mahuli….
فإن خير الحديث كتاب الله، وخير الهدي هدي محمد صلى الله عليه وسلم وشر الأمور محدثاتها، وكلّ محدثة بدعة، وكل بدعة ضلالة، وكل ضلالة في النّار.
Bunnal tu’ud in sarayaw-rayaw himumungan amuna in Kitaab sin Allaah iban in sarayaw-rayaw padduman amuna in pamandu’ sin rasuwlullaah sallallaahu ‘alayhi wa sallam iban in sangi’-ngi’ na parkala’ amuna in mga kakahinang ba’gu, iban in tiyap-tiyap kakahinang ba’gu (ha pag-aagama) bid’ah, in tiyap-tiyap bid’ah kalaungan, in tiyap-tiyap kalaungan ha laum narka’.
السلام عليكم ورحمة الله وبركاته
Kasajahitra’an (sin Allaah) kaniyu iban Rahmat Niya iban Barakat Niya
أهلا وسهلا
Lanjal Kamu mga kakasi ku ha aagama Islaam
Bang mayan papagmunfa’atun sin Allaah in kiyasulat diy iban sin unu-unu na mabassa sin mamamassa iban mangayu’ aku ha Allaah ha bang mayan dihilan kita niyu ka-ikhlaas ha tiyap-tiyap hinang natu’ iban pattapun in ka-ikhlaas natu’ sampay kita niyu magbak iban sin Siya, ameeen.
Wallaahu waliyyu at-tawfeeq….
